IRAN- Qeveria e sapozgjedhur e iraniane e udhëhequr nga Presidenti Ebrahim Raisi po përballet me kërkesa të shumta në mënyrë që të zgjerojë burimet për sigurimin e vaksinave anti-Covid. The Guardian shkruan se kjo gjë ka ardhur për shkak se vendi po përfshihet nga vala e pestë dhe më vdekjeprurëse e Covid në vend.
Furnizimi me vaksina thuhet se ka përfunduar në Isfahan, Tabriz, si dhe provincat përfshirë Gilan, Khuzestan dhe Mazandaran. Irani me një popullësi prej 85 milion banorësh ka vaksinuar vetëm 6 milion banorë plotësisht, ndërkohë që janë dhënë gjithsej 23 milion doza vaksinash.
Që nga fillimi i pandemisë deri tani në Iran janë regjistruar 4,715,771 persona me Covid, ndërkohë që 102,648 të tjerë kanë humbur jetën.
