Organizata e Ushqimit dhe Bujqësisë e Kombeve të Bashkuara (FAO), ka bërë me dije se për shkak të tërmetit që goditi katër qarqe në Haiti, gati 1 milionë njerëz rrezikojnë të kenë probleme me urinë në dimër.
Tërmeti shkatërroi pothuajse të gjithë infrastrukturën që lejon bujqësinë të prodhojë dhe shpërndajë ushqim, tregje, rrugë, magazina, sisteme vaditjeje, etj dhe situata u përkeqësua nga Uragani Grace disa ditë më vonë.
FAO ka paralajmëruar se afërsisht 980,000 njerëz pritet të jenë në një gjendje të pasigurisë ushqimore akute midis shtatorit dhe shkurtit 2022, midis 320,000 që pritet të bien në fazën 4 gjendje e jashtëzakonshme.
Të dhënat e organizatës janë bazuar nga një përmbledhje e të dhënave të mbledhura nga 15 agjenci të OKB -së dhe OJQ ndërkombëtare. Ndërkohë pritet që në pranverë (mars-qershor 2022), numri i njerëzve që përjetojnë pasiguri ushqimore akute në zonë pritet të rritet në 991,000.
Organizata dëshiron të ndihmojë njerëzit në Haiti në funksion të sezonit bujqësor, i cili fillon në Tetor, duke shpërndarë farëra, materiale të tjera, kafshë bujqësore dhe duke ndihmuar në rindërtimin e infrastrukturës së dëmtuar (kanalet e ujitjes, fabrikat e përpunimit të frutave, qumështoret, peshqit).
Kjo është arsyeja pse agjencia po kërkon 20 milion dollarë në financim për të ndihmuar 32,000 familjet më të prekura – nga gjithsej 160,000 viktima të tërmetit për të rindërtuar infrastrukturën rurale dhe të tjera.
Sipas Organizatës së Ushqimit dhe Bujqësisë të Kombeve të Bashkuara, fakti që reshjet ishin më të ulëta se zakonisht mes prillit dhe majit pritet gjithashtu të zvogëlojë prodhimin bujqësor këtë vit.
