Ish-kryeministri Sali Berisha vazhdon turin e takimeve me anëtarësinë e Partisë Demokratike sot në Fier. Në një postim në rrjetet sociale, Berisha shkruan se takimi i “Foltores” do të zhvillohet në orën 18:00, ndërsa thekson se bashkimi sjell fitoren. Ajo që bie në sy në videon që shoqëron postimin është kënga e zgjedhur nga Berisha. Edhe pse në përballje me Lulzim Bashën, Berisha ka zgjedhur këngën e fushatës që PD-në e shoqëroi në fushatën elektorale për zgjedhjet e 25 prillit 2021. “Sia-Unstoppable” është e preferuara mesa duket edhe e Berishës.
POSTIMI I PLOTË I BERISHËS:
Njoftim! Ditën e martë më datën 21 shtator 2021 do të mbahet në Fier ora 18:00 tek Albanian University (UFO): “Foltorja për një Parti Demokratike më të bashkuar, më të fortë, më të hapur”. Ftoj demokratet dhe demokratët e Fierit të marrin pjesë! Vetëm të bashkuar fitojmë! Sb”
