Një prodhues gjerman i lodrave ka prezantuar një arush pelushi të krijuar në nderim të kohës së Angela Merkel në detyrë. Kancelarja pritet të jap dorëheqjen në fund të këtij viti, pasi shërbeu për 16 vjet në Gjermani.
Hermann-Spielwaren, e vendosur në qytetin bavarez të Koburg, zbuloi se lodra 40 centimetra e gjatë kishte një ngjashmëri të caktuar me kancelaren. Arushi i pellushit ka një model flokësh të ngjashëm me Merkelin, ndërsa putrat mund të palosen për të përsëritur gjestin legjendar të dorës të njohur si ‘rombi i Merkelit’.
“Ne përpiqemi të shprehim momentet e historisë bashkëkohore përmeës arushave prej pellushi si një formë arti,” tha Martin Hermann, drejtor menaxhues i një prej fabrikave më të vjetra të arushave prej pellushi në botë.
Ndër figurat e tjera të shquara që janë shfaqur si arusha prej pellushi janë ish -presidenti amerikan Barack Obama, ish -kancelari i Gjermanisë Helmut Schmidt dhe mbretëresha britanike Elizabeth II. Fabrika 101-vjeçare do të prodhojë 500 arusha prej pellushi me numër të kufizuar, me çmim 189 €, ndërsa arushi i 16-të do t’i dërgohet Merkelit si referencë për numrin e viteve që ajo kaloi në krye të Gjermanisë.
