Nisma e DPA për çeljen e këndeve arkivore për të shtrirë sisitemin e Sallës së Studimit në çdo qytet arriti edhe në Korçë. Mund ta gjeni në Bibliotekën e Korçës “Thimi Mitko”.
Këndi u prezantua nga drejtori i Drejtorisë së Pëgjithshme të Arkivave Prof.As.Dr. Ardit Bido, në prani të drejtoreshës së Bibliotekës “Thimi Mitko” znj.Jorida Tollkuçi, profesorëve dhe studiuesve të cilët shfaqën interes të menjëhershëm për risinë e ofruar nga DPA.
Drejtori i Përgjithshëm i Arkivave Prof.As.Dr. Ardit Bido në fjalën e tij tha: “Është kënaqësi që tashmë pas disa qyteteve në Shqipëri po hapim në një prej qendrave kulturore të vendit siç është Korça, Sallën e Studimit të Drejtorisë së Përgjithshme të Arkivave, atë që ne e quajmë Këndin Arkivor sepse ato vihen brenda bibliotekave të qyteteve. Ne kemi hapur kënde Arkivore në disa qytete përfshirë dhe qytete të Kosovës dhe Maqedonisë së Veriut pra përfshirë Prishtinën, Podujevën, Ferizaj, Shkupin, Tetovën, Kërçovën dhe disa qytete të Shqipërisë përfshirë Korçën, Vlorën, Beratin, Gjirokastrën, Elbasanin, Pogradecin por edhe qytete më të vogla Sarandën, Delvinën, Çorovodën e kështu me radhë. Përpjeka jonë është që ta hapim në të gjithë Shqipërinë e këtu na vjen nevoja për të bashkëpunuar me autoritetet lokale, me bibliotekat e qyteteve.”
Duke përshëndetur nismën, drejtoresha e bibliotekës, Jorida Tollkuçi u shpreh: “Në kuadër të 100 vjetorit të Bibliotekës, bibliotekës i ofrohen një shërbim i ri. Tashmë ofrimi i Sallës së Studimit të Arkivave të Shqipërisë në Bibliotekën e qytetit. Ne kemi krijuar Këndin Arkivor për të nxitur kërkuesit korçarë për kërkimin, njëkohsisht i ofrojmë gjithë akademikëve, studentëve por edhe komuniteti korçar”.
Salla e studumit vjen falë bashkëpunimit mes DPA, Bashkisë së qytetit dhe Bibliotekës së saj. Këndi arkivor është një lehtësim që i vjen në ndihmë çdo personi që është i interesuar për dokumentet arkivore, të cilat mund t’i kërkojë në Këndin e hapur në Korçë, pa qenë nevoja të shkojë në Sallën e Studimit në Tiranë.
Për më tepër infomacion vizitoni fazen zyrtare www.arkiva.gov.al
