Microsoft ka hedhur në treg sistemin e ri të operimit, Windows 11, që do të përditësojë kompjuterat të cilët kanë një sistem operimi Windows 10. Sistemi i ri është konceptuar “më i thjeshtë dhe më i shpejtë”.
“Si njësi matëse përdora babain tim. Ai është 89 vjeç. Jam shumë i lumtur për të që përmes një butoni do të mund të përditësojë sistemin” tha Panos Panay, shefi i produkteve të Microsoft.
Windows 11 vjen me ndryshime thelbësore në dizajn, së bashku me disa thjeshtime e përmirësime të mënyrës se si funksionon sistemi.about:blank. Menuja “Start” do të shfaqet në qendër të ekranit, me opsionin që përdoruesi të mund ta zhvendosë sipas dëshirës. Me një klikim, menuja shfaq një listë me aplikacionet më të përdorura.
Dyqani virtual Microsoft Store ka ndryshuar krejtësisht dhe do të lejojë palët e treta që të zhvillojnë aplikacione dhe t’i shesin ato duke mbajtur si komision një shifër simbolike. Përditësimi ka nisur me pajisjet në Azi dhe do të vazhdojë gradualisht edhe në vendet e tjera të botës. Microsoft premton se procesi do të jetë i thjeshtë dhe në gjendje që të kryhet edhe nga përdorues me njohuri minimale të sistemit të operimit
Përshtypjet e deritanishme nga ata pak persona që e kanë instaluar janë përgjithësisht pozitive. Ata thonë se sistemi i ri është më i thjeshtë, më i shpejtë, por mbetet problemi i zakonshëm ku në kutinë e kërkimit “search”, Microsoft favorizon motorin e vet të kërkimit Bing dhe shfletuesin (browser) Edge.
