AFGANISTAN–Gazetari i Radio Evopa e Lirë Elyas Dayee, është vrarë ditën e sotme në provicën afgane Helmad, si pasojë e një bombe që shpërtheu afër makinës së tij.
Omer Zëak, zëdhënës guvernatori i provinces, ka thënë për Radion Evropa e Lirë se bomba e ngjitur në makinën e Dayee, ka vrarë gazetarin dhe ka plagosur tre persona të tjerë, duke përfshirë vëllain e tij. Ndërkohë ende askush nuk ka marrë përgjegjësi për sulmin.
Dayee ka punuar për Shërbimin e Afganistanit në Radion Evropa e Lirë.
“Kolegu dhe miku im i dashur, Elyas Dayee, ka humbur jetën në një sulm terrorist këtë mëngjes. Ai ka pasur gjithmonë një buzëqeshje në fytyrë. Ky është lajm i tmerrshëm”- ka thënë Sami Mahdi, shef i byrosë në Afganistan.
Zëdhënësi i presidencës afgane, Siddiq Siddiqui, ka dënuar vrasjen e Dayees duke thënë se mbrapa sulmit qëndrojnë armiqtë e lirisë së shprehjes dhe mediave në Afganistan.
Dhuna është rritur në gjithë Afganistan, teksa negociatorët qeveritarë dhe talibanët janë duke zhvilluar takime në Katar për të gjetur zgjidhje për luftën në Afganistan. Ende nuk është bërë asnjë pikë kthese prej kohës kur kanë nisur bisedimet në muajin shtator.
