Në mbledhjen e kryesisë së Partisë Socialiste mëngjesin e sotëm janë marrë disa vendime, një prej të cilëve është edhe ndryshimi i disa prej të deleguarve në Qarkun e Tiranës. Kështu, mësohet se Lindita Nikolla është caktuar e deleguar në zonën e Kamzës dhe Paskuqanit, Mimi Kodheli delegohet në Njësinë Nr. 8 në Tiranë dhe Delina Ibrahimi do të jetë e deleguara e PS në Njësinë Nr. 5, po në kryeqytet.
Mimi Kodheli delegohet në njësinë Nr.8, Tiranë; Blerina Gjylameti e deleguar në njësinë Nr.4, Tiranë; Frida Krifca do të jetë e deleguar në zonën Farkë-Baldushk-Petrelë; Paulin Sterkaj delegohet në njësinë Nr.11 në Tiranë ndërsa Ornaldo Rakipi delegohet për Bashkinë e Vorës. Në Kryesi u vendos që drejtuesi politik i Qarkut të Tiranës Erion Veliaj të drejtojë provizorisht edhe Partinë Socialiste të Tiranës.Po ashtu Kryesia miratoi metodologjinë dhe kalendarin e analizave që do të kryhen në të 12 Qarqet për rezultatet e zgjedhjeve parlamentare të 25 Prillit 2021. Në funksion të riorganizimit të partisë, Kryesia autorizoi gjithashtu Sekretarin e Përgjithshëm për ngritjen e grupit të punës për ndryshime në Statut.
