Gjykata e Apelit në Vlorë ka lënë në fuqi vendimin për arrest me burg për ish-drejtorin e Kadastrës së këtij qyteti, Klodian Troci.
Vlen të përmendet se Troci u dënua më herët me burg për akuzën e korrupsionit, pasi dyshohet se falsifikonte dokumente për prona në zonën e Dhërmiut. Po ashtu, gjatë kontrollit në banesë, atij iu gjet një shumë prej 60 mijë eurosh.
Kujtojmë se Klodian Troci u prangos pak ditë pasi dha dorëheqjen nga detyra dhe gjatë kontrollit në shtëpi, atij iu gjet dhe sekuestrua një shumë prej 60 mijë eurosh.
Gjatë seancës për caktimin e masës së sigurisë, ish shefi I kadastrës deklaroi se paratë janë të vëllait që bën ndërtime, por prokuroria ka dyshime se ato janë para që rrjedhin nga burime të paligjshme.
Sipas dosjes së Prokurorisë, që nga viti 2019 deri në vitin 2021, Klodian Troçi, Bardhyl Gjika dhe specialisti në drejtorinë e administrimit të tokave, Kreshnik Mino kanë bashkëpunuar duke falsifikuar dokumente arkivorë të pronësisë, si tapi tokash apo përdorimi për banorë të fshatrave Himarë e Dhërmi, etj. të Bashkisë Himarë.
Troçi ka punuar për një periudhë gati tre mujore si drejtor në drejtorinë e pronave në Qarkun e Vlorës, ku më pas u zëvendësua nga Bardhyl Gjika. Ky I fundit dyshohet se inskenoi vjedhjen e dy dosjeve të pronave në zyrat e këshillit të qarkut në Vlorë, me qëllim që të fshihnin falsifikimin.
Pas arrestimit të tyre, prokuroria çoi në pranga edhe Trocin, pasi u zbulua se dokumentet e pronës ishin falsifikuar dhe nga afro 3 mijë metra që kishte në pronësi Spiro Duni sipërfaqja ishte thuajse trefishuar.
Gjika dhe Troci aktualisht ndodhen në burg, Kreshnik Mino po hetohet nën masën e detyrimit për paraqitje, ndërsa Spiro Duni ndodhet në spital për shkak të gjendjes shëndetësore.
