TIRANË– Kryedemokrati Lulzim Basha ka dalë me një deklaratë të fortë nga selia blu, për liderin historik të PD-së, Sali Berisha. Një ditë pasi Berisha dorëzoi firmat e mbledhura për të thirrur Kuvendin Kombëtar të Partisë Demokratike, Basha nuk është kursyer me akuza ndaj ish-kryeministrit, duke i bërë thirrje për të mos mbështetur kryeministrin Edi Rama.
Procesin e dorëzimit të firmave nga ana e ish-kryeministri, Basha e ka cilësuar si një blof, ndërsa akuzoi Berishën se po bashkëpunonte me kryeministrin Edi Rama për të bërë një “puç” ndaj Partisë Demokratike. Po ashtu, në deklaratën e tij nga shkallët e selisë blu, numri një i opozitës dërgoi edhe një mesazh të shkurtër për Berishën, duke thënë thjesht: Boll bashkëpunove me Ramën!
“Shpresa e demokratëve nuk do të shkelet me këmbë. *u kthehet gazetarëve Më falni unë tregoj respejt për ju… Kemi një regjim përballë dhe po mbështetet në një trekëndësh. Regjimi është bërë pjesë e përpjekjes për një puç. Kemi informacione se Berisha ka bashkëpunuar me regjimin për puç në PD. Kam vetëm një thiurrje për Sali Berishën; Boll harxhove kohën dhe energjitë e demokratëve. Boll ndihmove Edi Ramën. Berisha e ka një betejë personale dhe jo për PD-në,”-tha Basha ndër të tjera në fjalën e tij.
FJALA E PLOTË:
Jam i zhgënjyer nga tallja që ka bërë me demokratët dje duke fshehur bllofin e tij dhe mungesën e firmave për 1/4. Nëse do t’i kishte mbledhur, do t’i kishte dorëzuar për të nisur procedurën. Fakti që nuk e ka bërë, ç’do demokrat e kupton. E gjitha ka qenë një blof dhe ajo që nisi si një betejë përfundoi për një betejë për hallet e tij personale. Statuti ka një proces shumë të qartë. Të mos bëhemi përsëritës. Kuvend Kombëtar sa herë të jetë i nevojshëm jam i gatshëm ta thërras unë, një Kuvend për demokratët. Dua të hedh poshtë gënjeshtrën se PD dhe kryetari nuk duan Kuvend. Por kam thënë që asnjë nuk merr në shqyrtim të qeverisë amerikane. PD nuk kthehet në bunker. Por do të ecim para sepse kemi një armik. Shpresa e demokratëve nuk do të shkelet me këmbë. *u kthehet gazetarëve Më falni unë tregoj respejt për ju… Kemi një regjim përballë dhe po mbështetet në një trekëndësh. Regjimi është bërë pjesë e përpjekjes për një puç. Kemi informacione se Berisha ka bashkëpunuar me regjimin për puç në PD. Kam vetëm një thiurrje për Sali Berishën; Boll harxhove kohën dhe energjitë e demokratëve. Boll ndihmove Edi Ramën. Berisha e ka një betejë personale dhe jo për PD-në.
Lufta e ashpës mes Berishës dhe kryedemokratit nisi pasi Basha e përjashtoi Berishën nga grupi parlamentar i PD-së në 9 shtator të këtij viti. Basha u justifikua se nuk mund të dilte kundër vendimit të SHBA-së për shpalljen e paraardhësit të tij “non grata”. Ndërsa Berisha e konsideroi vendimin si “nul” duke kërkuar mbledhjen e Kuvendit për të ndëshkuar kryedemokratin, me pretendimin se ka shkelur statutin e PD-së.
Jo më larg se dje, Berisha dorëzoi firmat e anëtarëve të PD-së për të thirrur në një takim të jashtëzakonshëm Kuvendin Kombëtar të PD-së. Ndërkohë që ka paralajmëruar edhe një rikthim sipas tij në krye të qeverisë, duke nënkuptuar largimin e Bashës nga drejtimi i PD. Por edhe ambasadorja amerikane Yuri Kim ka folur qartë se SHBA nuk njeh asnjë kryetar tjetër të PD, veç Bashës.
