Komisioni Hetimor i ngritur në Kuvendin e Shqipërisë e ka nisur punën e tij me shkelje ligjore, kështu pretendon një prej njerëzve i cili do të të hetohet në këtë komision. Mirel Mërtiri, biznesmeni i cili akuzohet nga opozita se është biznesmeni hije që ka përfituar nga koncesionet për incerenatorët, i kërkon bankave të niveli të dytë të mos japin asnjë informacion pasi sipas tij janë të detyruara që të respektojnë ligjet e shtetit që nuk lejojnë që komisionet hetimore të marrin informacione private, por vetëm shtetërore të cilat janë bërë publike.
Komisioni hetimor në bazë të ligjit më te cilin operon ka të drejtë të kërkojë informacion zyrtar nga institucione zyrtare ose informacion publik dhe bankat e nivelit të dytë nuk janë institucione zyrtare. Ndërkohë që me kërkesë të opozitës është ngritur edhe një Komision hetimor për inceneratorët ku deri tani janë miratuar ekspertët për të zbritur në terren për të parë nga afër punën e bërë, si dhe janë dërguar 12 kërkesa për informacion për disa institucione që nga Këshilli i Ministrave, Ministritë e Financave, Ministrinë e Mjedisit, atë të Infrastrukturës e Mjedisit, te Kontrolli i Lartë i Shtetit, bashkitë ku veprojnë incineratorët etj. Kërkesa u janë drejtuar edhe bankave të nivelit të dytë, si dhe vetë kompanive përfituese të incineratorëve, ku janë përqendruar te 3 persona: Klodian Zoto, Mirel Mërtiri dhe Stella Gugallja. Pikërisht kërkesën për dhënien e informacioneve të bankave të nivelit të dytë ëshët refuzuar edhe nga Mirel Mërtiri.
Deputetët e opozitës kanë hedhur akuza se inceneratorët e Elbasanit, Fierit dhe Tiranës, duke thënë se të trija janë oferta të pa kërkuara dhe se nuk ka pasur një garë reale dhe se ndaj tyre ka plot 13 ankesa.
