NASA është gati për të nisur misionin e parë të mbrojtjes planetare në botë. Testi i Ridrejtimit të Dyfishtë të Asteroidit (Dart) është planifikuar të nisë më 23 nëntor dhe është një mision i përbashkët me Laboratorin e Fizikës së Aplikuar Johns Hopkins. Dart do të lëshohet nga baza e forcave hapësinore Vandenberg, Kaliforni, me një raketë SpaceX Falcon 9.
Dart është projektuar për t’u përplasur me asteroidin Dimorphos dhe për të devijuar rrugën e tij drejt Tokës. Lajmin se përgatitjet kanë përfunduar e ka bërë me dije SpaceX në Twitter. “Testi statik i zjarrit përfundoi – duke synuar të martën, 23 nëntor në orën 22:21. PT për nisjen e Falcon 9 të @NASA. Testi i Ridrejtimit të Dyfishtë të Asteroidit.
NASA do të rrëzojë qëllimisht anijen kozmike DART në një asteroid për të parë nëse kjo është një mënyrë efektive për të ndryshuar kursin e tij, nëse një asteroid kërcënues për Tokën zbulohet në të ardhmen.”, njofton SpaceX në Twitter.
