Tenderi për dhënien me koncesion të aeroportit të Sarandës ka dështuar për herë të dytë. Këtë gjë e ka bërë të ditur Ministria e Infrastrukturës ka bërë me dije se në garë nuk është paraqitur një ofertë. Gjithashtu mësohet se vlera minimale e tenderit ka qenë 34.3 milionë euro.
Ndërkohë që afati i fundit i garës ka qenë data 26 nëntor. Ky është tenderi i dytë që u anulua për këtë aeroport, pasi tenderi i parë u anulua pasi nuk kishte asnjë ofertë.
Në rihapje të kësaj gare, qeveria lehtësoi disa kritere, në mënyrë që të tërhiqen investitorët. Koncesioni që pritët të jepet është 35-vjeçar dhe aeroporti është planifikuar të jetë i kategorisë 3C me pistë 2200 metra.
Aeroporti i Sarandës ndodhet rreth 6 km larg qytetit të Sarandës, pranë rrugës nacionale, 20 m mbi nivelin e detit. Në perimetrin e zonës së projektit të distancuar prej tij ndodhen fshatrat Cukë, Caush, Aliko, Neohor, Dritas, Plaga e Re, Skate. Nga ana perëndimore, zona e projektit kufizohet me kodrat ku shtrihet fshati “Lëkurës” me kështjellën e tij dhe përtej kodrave shtrihet qyteti i Sarandës. Lumi Bistrica përshkon zonën e projektit përgjatë kësaj ane. Në anën jugore kufizohet nga Liqeni i Butrintit.
