Siç mund ta keni dëgjuar, sipas meteorologëve pritet që gjatë ditëve në vijim temperaturat në vend të ulen ndjeshëm. Referuar parashikimeve, thuhet se nisur nga kjo fundjavë dhe gjatë javës së ardhshme, vendi do të përballet me temperatura që arrijnë deri në -18 gradë Celsius.
I ftohti pritet të godasë kryesisht zona si Bulqiza apo Puka, ndërsa në kryeqytet temperaturat do të shkojnë deri në -8 gradë. Dita më e ftohtë pritet të jetë e hëna, ku do të shënohet edhe kulmi i temperaturave. Nisur nga këto parashikime, Agjencia Kombëtare e Mbrojtjes Civile është në gatishmëri për t’u përballur me çdo situatë të vështirë që mund të shkaktojë i ftohti ekstrem.
Ministria e Mbrojtjes Niko Peleshi u bën thirrje qytetarëve, veçanërisht atyre në zona të thella, të ndjekin këshillat e shtabeve të emergjencave në bashkitë e tyre për të shmangur situata të rënda. Nga ana tjetër, Ministrja e Arsimit Evis Kushi njoftoi dje se për 3 ditë gjatë javës së ardhshme shkollat do të jenë të mbyllura. Ministrja shton, se nga dita e hënë deri të mërkurën, dhe orët e humbura do të zëvendësohen në vijim pas një njoftimi të dytë në bashkëpunim me zyrat vendore arsimore.
