Bardh Spahia do të jetë kandidat i Komisionit të Rithemelimit për Shkodrën në zgjedhjet e pjesshme vendore të 6 marsit. Ai u shpall fitues me 1011 vota në primare.
Në Shkodër votimi është mbyllur 2 orë me vonesë. Numërimi u bë në prani të mediave, të kandidatëve apo përfaqëseuesve të tyre.
Ditën e sotme u zhvilluan votimet në 6 bashki, për të zgjedhur kandidatët e PD-së së Sali Berishës për zgjedhjet e pjesshme vendore.
Rezultatet e votimeve për 6 bashkitë:
Durrës – Ardian Muka
Vorë – Lulzim Vrana
Dibër – Lulzim Kryemadhi
Lushnjë – Elton Bano
Rogozhinë – Hekuran Xhani
Shkodër – Bardh Spahia
PD zyrtare, nga ana tjetër, ka deklaruar se këta kandidatë “nuk kanë lidhje me PD-në“. Kryetarja në detyrë e Bashkisë Shkodër, Voltana Ademi u tërhoq nga gara për kandidate. Megjithatë, ajo shkoi si votuese në primaret në Shkoder, ku edhe deklaroi se mbështet Sali Berishën.
