Artenis Dalipi, burri i Emanuela Dalipit, e cila ndërroi jetë sot në spitalin Infektiv pas kontraksioneve të koronavirusit ka rrëfyer se si ishte infektuar 28-vjeçarja.
Emanuela ishte pesë muajshe shtatzënë dhe çifti jetonin në Tiranë ku edhe punonin. Artenis ka thënë se simptomat e para të ndjerës i janë shfaqur para dy javësh, e ndërsa qëndronte në shtëpi gjendja po përkeqësohej.
Ai ka rrëfyer se një tjetër tragjedi ka ndodhur në familjen e vajzës para tre vitesh. Sipas Artenis, vajza e tezes së 28-vjeçares vdiq për shkak të sasisë së madhe të amnestezisë për operacionin në gju që po bënte në një spital privat.
“Jemi prej 5 vitesh të martuar. Emanuela punonte në një qendër kozmetike, unë punoj tek ish-parku i autobuzave. Para dy javësh iu shfaqën simptomat, e mbajtëm në shtëpi, por gjendja u përkeqësua. U detyruam ta dërgonim tek Infektivi, mjekët bënë gjithçka por nuk ia dolën ta mbanin në jetë. Ka vdekur dje, sot e sollëm në banesën e prindërve të saj për pak orë dhe pastaj e nisëm për në banesën e fundit.
Nuk duam të flasim para kamerave, është një fatkeqësi që na ka ndodhur, familja e saj është përballur edhe para 3 vitesh me vdekje tjetër…Vajza e tezes u vdiq për shkak të sasisë së madhe të amnestezisë për operacionin në gju që po bënte në një spital privat. Prindërit e saj janë trishtuar, s’di ç’të themi më tepër”, deklaroi Artenis.
