Futbollisti portugez, Cristiano Ronaldo, ka vendosur një tjetër rekord – tashmë në fushën virtuale. Ndjekësit e tij në Instagram arritën plot 400 milionë dhe e kthyen CR7 në njeriun e parë që ka arritur këtë rekord.
Edhe para se të kalonte shifrën 400 milionë, futbollisti i Manchester United ishte ende i famshmi më i ndjekur në Instagram me një numër prej mbi 300 milionë. Megjithatë, ndjekja e Ronaldos në Instagram dëshmoi një kërcim të jashtëzakonshëm një ditë pasi ai festoi ditëlindjen e tij të 37-të.
Ronaldo ndau një foto të ëmbël nga festa e ditëlindjes me partneren Georgina Rodríguez dhe me një mesazh të mrekullueshëm për familjen – vlerën e vërtetë të jetës. Në vend të dytë në Instagram vijon të jetë Kylie Jenner, me 309 milionë, ndërsa pas saj, ylli tjetër i futbollit, Lionel Messi.
