VLORË– Një automjet i llojit “Audi”, ka marrë flakë dhe është djegur. Ngjarja ka ndodhur në qytetin e Vlorës, në lagjen “24 maji”. Mësohet se mjeti ishte parkuar në këtë lagje, kur rreth orës 00:45 ka marrë flakë.
Makina rezulton të jetë në emër të një 23-vjeçareje me inicialet E.H.. Policia dhe grupi hetimor kanë shkuar në vendin e ngjarjes për të zbardhur rrethanat, por ende nuk ka asnjë informacion.
Nuk dihet nëse bëhet fjalë për një zjarrvënie të qëllimshme, apo nëse është një ngjarje aksidentale.
Vlorë
Më datë 18.11.2020, rreth orës 00:45, në lagjen “24 Maji”, Vlorë, ka rënë zjarr dhe është djegur plotësisht automjeti i markës “Audi, në pronësi të shtetases E. H., 23 vjeçe, banuese në Vlorë.
Grupi hetimor po punon për zbardhjen e rrethanave të ngjarjes.
