I njohur së pari për aktivitetet e tij të bamirësisë, në Fundjava Ndryshe, prej tetë vitesh, Arbër Hajdari sot zotëron dhe titullin opinionist.
“Eshtë çudi tani kur dëgjon njerëz që thonë ‘opinionisti i Big Brother’, ndërkohë që unë kam kryer shumë aktivitete të tjera më parë”- është shprehur Arbëri gjatë intervistës në programin Goca dhe Gra. Midis disa pyetje për të cilat njerëzit kanë qenë më shumë kuriozë për Arbër Hajdarin është rroga që ka marrë në Big Brother Vip.
Pëgjigjja e tij ishte se nuk është paguar në këtë program, por pas insistimit të moderatoreve ai tha: “Në Big Brother nuk jam paguar sepse e kam bërë për qejf atë eksperiencë, doja të bëja diçka ndryshe, jo për lekë. Kurse rrogë mujore, nëpërmjet një projekti ndëkombëtar që po zhvillohet në Shqipëri, unë jam paguar 700 euro.”
Mbizotëroi një mimikë çudie në studion e Goca dhe Gra, por Arbëri u shpreh se është vetëm 28-vjeç, sapo ka mbaruar ciklin e fundit të studimeve, avokatinë, dhe gjithçka varet nga mënyra e jetesës.
