Ndërsa Rusia ka nisur pushtimin e plotë të Ukrainës, shtetet kufitare anëtare të BE-së, Lituania, Letonia, Polonia, Hungaria, Sllovakia dhe Rumania, si dhe Moldavia aspirante në BE – kanë njoftuar të gjitha përgatitjet për valën e pritshme të refugjatëve nga Ukraina.
Mesditën e së enjtes kishte raporte nga Polonia për trena që mbërrinin në Varshavë këtë mëngjes, të mbushur plot me qytetarë ukrainas, ndërsa thuhet se ata i kishin rezervuar biletat disa ditë më parë, pasi kanë qenë në pritje të një pushtimi të mundshëm.
Zëvendësministri polak i Punëve të Jashtme Pawel Szefernaker njoftoi të enjten në mëngjes se Polonia po hap tetë qendra pritjeje për refugjatët ukrainas në dy rajonet më afër kufirit. Në këto vende, refugjatët do të marrin ushqim, ndihmë mjekësore dhe informacion.
Në javët e fundit, bashkitë polake në të gjithë vendin kanë analizuar kapacitetet e tyre të përkohshme akomoduese që mund të vihen në dispozicion të ukrainasve në rast të një fluksi.
