UKRAINË– Ushtria ruse nuk po i kursen sulmet me raketa në Ukrainë. Mëngjesin e sotëm, ndërtesa e bashkisë së Kharkivit, qyteti i dytë më i rëndësishëm në Ukrainë shpërtheu pasi u godit me raketë nga njësitë e armatosura ruse. Për fatin e mirë, nuk raportohet për të plagousr apo viktima. Sipas burimeve vendase, ndërtesa ndodhet në qendër të Kharkivit, në Sheshin e Lirisë dhe godina i përket Administratës Rajonale Shtetërore të Kharkivit. Ushtria ukrainase pretendon se forcat ruse donin të vrisnin guvernatorin e Kharkivit së bashku me punonjësit e administratës.
Kievi akuzon Rusinë se po kryen krime lufte duke bombarduar objekte civile, nga të cilat kanë humbur jetën shumë të pafajshëm.
Missile attack on the Kharkiv regional administration. Grad shelling at residential areas. Another proof Putin is the ultimate evil. #StopRussia #StopRussianAggression #RussiaInvadedUkraine pic.twitter.com/l5nlP6liui
— Stratcom Centre UA (@StratcomCentre) March 1, 2022
