Loran Dusha, Administrator i Incineratorit “Integrated Technology ëaste Treatment Fier” është një prej të prangosurve në kuadër të operacionit të organizuar nga Prokuroria e Posaçme Kundër Korrupsionit dhe Krimit të Organizuar (SPAK). Mësohet se emri i Dushës është mes 20 personave për të cilët është lëshuar urdhër arrest nga SPAK. Bëhet fjalë për biznesmenë e zyrtarë të lartë. Një tjetër i prangosur është edhe Florian Muçaj, i cili më parë ka qenë anëtar i Komisionit të Prokurimit për incineratorin e Fierit.
Dusha, administrator i inceneratorit të Fierit ka qenë dhe një nga dëshmitarët e thirrur në Komisionin Hetimor për Inceneratorët të drejtuar nga Jorida Tabaku. Ai u pyet në një lidhje me ‘Skype’ pasi pretendonte se ishte infektuar me Covid-19. Ai ka pranuar se njihet me biznemsenët Klodian Zoton, Mirel Mërtirin e Stela Gugallen, të tre të shpallur në kërkim për inceneratorët, por ka shtuar se nuk ka punuar me zëvendëskryeministrin Arben Ahmetaj.
Dusha u pyet për 20 milionë euro që janë marrë nga buxhetit i shtetit sipas kryetares së Komisionit Jorida Tabaku janë marrë por nuk dihet ku janë investuar dhe tha se i duhet kohë për ta verifikuar këtë gjë. Fakti që shumë pyetjeve në Komisionin Hetimor të Inceneratorëve nuk iu dha përgjigje pasi thishte se ‘nuk mbante mend’ shkaktoi dhe batuta në sallë. Madje me humor, Tabaku shtontese kjo ishte dhe pasojë e Covid-19.
