EMIRATET E BASHKUARA ARABE-Një nga linjat ajrore më të mëdha në botë, Emirates do të vazhdojë të fluturojë në Rusi derisa pronarët e saj të thonë të kundërtën. Sipas Sky news, presidenti i linjës ajrore ‘Emirates’ Tim Clark ka thënë që linja ajrore e Emirateve te bashkuara ka shumë arsye se pse fluturojnë drejt Rusisë.
“Përderisa shteti, pronari ynë, na kërkon të fluturojmë atje, ne do të vazhdojmë. Ka shumë arsye pse ne fluturojmë, ne bartim mallra humanitare në strehët tona. Ne kemi OJQ që udhëtojnë brenda dhe jashtë Rusisë. Ne kemi komunitetin diplomatik që hyn dhe del nga Rusia… kështu që të gjithë ne duhet të vazhdojmë punën, pa marrë një qëndrim politik për momentin,”-tha Tim Clark presidenti i linjës ajrore.
Emirates është një nga dy linjat ajrore shtetërore në Emiratet e Bashkuara Arabe. Shumica e linjave ajrore perëndimore kanë ndërprerë linjat ajrore me Rusinë.
