Sipas Shërbimit Meteorologjik Ushtarak, gjatë kësaj fundjave moti do të jetë i paqëndrueshëm. Në parashikimin e SHMU, reshjet e shiut priten të jenë prezent gjatë këtyre dy ditëve ndërsa në shumë qytete do të ketë reshje dëbore.
Moti parashikohet kryesisht i vranët dhe intervale të shkurtëra me diell. Reshjet e shiut priten të jenë prezente të herëpasherëshme me intensitet të ulët deri mesatar. Hera-herës në intervale të shkurtëra kohore reshjet do të marrin karakter shtrëngatash shoqëruar me shkarkesa elektrike. Në zonat malore reshjet e shiut do të konvertohën në reshje bore me intensitet deri mesatar. Era do të fyjë nga kuadrati i jugut me shpejtësi mesatare 1-7m/sek, e cila hera-herës do të fitoj shpejtësi deri në 15-18m/sek. Valëzimi në dete i forcës 3-4 ballë.”- njofton Shërbimi Meteorologjik Ushtarak.
