Kryeministri Edi Rama pas konferencës së përbashkët me Olaf Scholz zhvilloi një bisedë të përbashkët me gazetarët, ku i tha se takimi me kancelarin ishte shumë pozitiv lidhur me rolin e Shqipërisë në arenën ndërkombëtare dhe aspiratat tona për në BE.
“Po të mos ishte jo mbështetës nuk do të përtonte ta thoshte. Kurrsesi nuk do të thosha që është mosmbështetës. Për sa i përket mbështetjes së hapur, kjo është një zgjedhje e komunikimit plotësisht e respektueshme. Ballkani i hapur ka lindur edhe kur shpjegohet, shpjegohet ekzaktësisht siç është për shkak se Procesi i Berlinit filloi të humbiste impaktin. Ajo çka u parë në procesin e Berlinit, nuk u implementuar kurrë nga vendet e Ballkanit Perëndimor. Ata që janë kundër në Tiranë, nuk janë problem, nuk më intereson ca mendojnë ata, por çfarë mendon shumica.”, tha ai.
