Nëna e Chris Rock ka folur për shuplakën famëkeqe të Will Smith në Oscars 2022.
“Kur Will goditi Chris-in, ai na goditi të gjithëve”, tha Rosalie Rock gjatë një intervitste për një televizion lokal të premten. “Por ai me të vërtetë më goditi me shuplakë. Sepse kur lëndon fëmijën tim, më lëndon mua.”
77-vjeçarja nga Karolina e Jugut, pranoi se si shumë shikues në shtëpi, ajo fillimisht mendoi se shuplaka televizive ishte e inskenuar. Ajo tha se vetëm kur Smith, “filloi ta shante” Chris, ajo e kuptoi se pjesa nuk ishte e sajuar.
Rose u pyet gjithashtu në intervistë se çfarë do të dëshironte t’i thoshte Will-it sot nëse të dy do të kishin mundësi të bisedonin.
“Nuk e kam idenë se çfarë do të thoja përveçse: “Çfarë po mendonit? Sepse ju dhatë një shuplakë, por shumë gjëra mund të kishin ndodhur nga kjo,” shpjegoi ajo. “Chris mund të shtyhej dhe të rrëzohej, dhe vërtet mund të të kishin nxjerrë me pranga. Pra, nuk mendove.”
Duke kujtuar më tej incidentin, Rose pretendoi se Smith e bëri të lumtur bashkëshorten Jada Pinkett Smith. “Sepse ajo qeshi kur ndodhi,” tha Rose, duke iu referuar shakasë së djalit të saj. “Askush nuk e dëgjoi fjalimin e tij, sepse të gjithë ishin ulur atje, duke menduar: “Çfarë ndodhi?” Rose i tha gazetës se Chris është mirë tani, por ende po përpunon gjithçka që ndodhi.
