Kim Kardashian humbi më shumë se 7 kg në vetëm tri javë për të veshur fustanin ikonë të Marilyn Monroe në Met Gala, pak ditë më parë. Natyrisht, të gjithë e dimë që Kim sakrifikon shumë për të pasur një performancë të jashtëzakonshme në çdo event mode, megjithatë këtë herë sakrifica është vërtet ekstreme.
Për këtë arsye, dalja e saj e fundit ka ngjallur shumë reagime, sidomos nga fakti që ka ndjekur një dietë ekstreme për t’u përshtatur me fustanin e Monroe.
“Gjithmonë kam menduar se ajo (Marilyn) ishte jashtëzakonisht e kolme”,- tha Kim për “Vogue”.
“Kam imagjinuar se mund të isha më e imët në disa zona ku ajo ishte më e kolme dhe më e mbushur në zona ku ajo ishte më e imët. Kështu që kur nuk ia dilja, doja të qaja, sepse (fustani) nuk mund të ndryshohej në asnjë mënyrë”,– shtoi ajo.
Kardashian zbuloi se nisi të ndjekë menjëherë një dietë strikte me ‘perime dhe proteina të pastra’ – për të veshur një fustan prej 4 milionë paundësh dhe që do të vishej vetëm disa minuta. Pasi zbuloi se cili ishte sekreti i dietës ekstreme, Kim u përball me një lumë reagimesh dhe kritikash në rrjet. Fansat pushtuan Twitter-in për ta kritikuar për këtë lloj sakrifice për t’u përshtatur me “fustanin perfekt”.
“Komentet e Kim Kardashian për humbjen e më shumë se 7 kg në 3 javë janë të neveritshme. Të humbasësh peshë në një kohë kaq të shkurtër, kur shumë gra të reja e ndjekin dhe e admirojnë, është çmenduri dhe nuk është çudi që çrregullimet e të ngrënit tashmë të jenë përhapur në shumë vajza e gra që kanë kompleks peshën”,- thuhet në Twitter-in e një fansi. “Është një dietë që nuk mund të ndiqet kurrë e aq më tepër nga fansat e saj.”
“Ashtu si në rini, kur dukeshit të mahnitshme… Nëse nuk mund t’u përshtateni rrobave, thjesht humbni peshë për t’u dukur perfekte, pa marrë parasysh koston. Mos e prano veten, ndryshoje veten, apo jo Kimmy?” – thuhet në një koment tjetër ironik në Twiiter.
