INDI- Një çift në Indi kanë paditur djalin dhe gruan e tij sepse nuk i kanë bërë me nip, edhe pas 6 vitesh martesë. Sadhana dhe Sanjeev Prasad, të cilët jetojnë në Haridwar, një qytet në shtetin verior të Uttarakhand, paraqitën një peticion këtë muaj duke kërkuar 50 milionë rupi si dëmshpërblim nga djali i tyre, 35 vjeç, dhe gruaja e tij, 31 vjeç.
Sipas CNN, në peticion çifti pretendon se kanë shpenzuar rreth 20 milionë rupi indiane për të rritur djalin e tyre, i cili është një fëmijë i vetëm. Avokati i tyre Arvind Srivastava, u shpreh se ata kanë shpenzuar për rritjen e tij dhe shkollimin, dhe se tashmë kërkojnë të gëzojnë nipër dhe mbesa.
“Ata e rritën atë, e edukuan, e bënë të aftë, e bënë pilot që ishte e shtrenjtë. Ata shohin njerëz në lagjen e tyre duke luajtur me nipërit e mbesat e tyre dhe ndihen sikur edhe ata duhet të kenë një të tillë. Gjithashtu ata thanë se nuk e martuan djalin që të mund të jetonin vetëm… Kështu sipas tyre që në vitin e ardhshëm ose të na jepni një nip ose të na jepni dëmshpërblim,”-tha Srivastava.
Tema e detyrimit familjar ka qenë prej kohësh e diskutueshme në Indi, ku vazhdushmëria e mbiemrit dhe kujdesi për prindërit e të moshuarit shpesh shihet si një detyrë për të rinjtë.
