Presidenti serb Aleksandër Vuçiç deklaroi të dielën se ka rënë dakord për një kontratë të re 3-vjeçare për furnizimin me gaz në një bisedë telefonike me presidentin rus Vladimir Putin. “Nuk mund të flas për çmimin tani, të gjitha detajet do të merren vesh me Gazprom. Serbia ka rënë dakord me Putin që çmimi i gazit të lidhet me çmimin e naftës”, u tha Vuçiç gazetarëve.
Kontrata aktuale 10-vjeçare e Serbisë për furnizimin me gaz me Gazprom skadon më 31 maj. Vuçiç tha gjithashtu se kishte diskutuar me Putinin për zgjerimin e hapësirës së magazinimit të gazit në vendin ballkanik.
“Putini tha ta telefonoj nëse mendoj se ka diçka më shumë për të diskutuar”, tha Vuçiç. Vuçiç është aleati më i ngushtë i Putinit në Europë.
Serbia, e cila synon t’i bashkohet Bashkimit Europian, kohët e fundit është nën presion nga vendet perëndimore për të lidhur politikën e saj të jashtme dhe vendosjen e sanksioneve ndaj Rusisë. Në vitin 2008 vendi ballkanik vuri sektorët e tij të gazit dhe naftës në komandën e kompanive ruse. Gazprom Neft dhe Gazprom së bashku mbajnë shumicën e aksioneve në kompaninë e vetme të naftës në vend, ndërsa Gazprom është aksionari i shumicës në objektin e vetëm të depozitimit të gazit në vend.
