Një zyrtar i Fondit Shqiptar të Zhvillimit dhe dy të tjerë të Agjencisë Shtetërore të Kadastrës janë pezulluar nga detyra pasi po hetohen nga Prokuroria e Tiranës për falsifikim dokumentesh, pas kallëzimit të një shtetasi. Prokurori i Tiranës, Bledar Valikaj kërkoi në gjykatë pezullimin nga detyra të personave në hetim, dhe më 10 qershor 2022 u pranua nga gjyqtari i Gjykatës së Tiranës, Kujtim Vranica. Personat në hetim të cilët janë pezulluar nga detyra dhe është marrë masa e sigurisë “detyrim me paraqitje” janë Lediana Bardhi, Rajmonda Dashi, Thanas Leka dhe Dario Vasili.
Lediana Bardhi ka qenë ish kryeregjistruese në hipotekën e Tiranës dhe është kallëzuar më parë dhe nga KLSH. Raimonda Dashi ka qenë Drejtoreshë e Hipotekës në Durres dhe ka dhënë dorëheqjen pas kërkesës së Lames. Thanas Leka punon si drejtor ne Agjensinë Shtetërore të Kadastrës ne Qendër.
