Koreja e Veriut thotë se po përballet me një shpërthim të një sëmundjeje të paidentifikuar të zorrëve.
Udhëheqësi i vendit, Kim Jong-un, ka urdhëruar zbatimin e masave të karantinës, raporton agjencia zyrtare e lajmeve KCNA. Ai dërgoi ilaçe në qytetin Haeju të mërkurën për të ndihmuar pacientët që vuanin nga “epidemia akute enterike”.
Nuk është raportuar numri i njerëzve të prekur nga shpërthimi i fundit i sëmundjes dhe ende nuk është e qartë se çfarë është kjo sëmundje, por lidhet me traktin gastrointestinal.
Ekspertët shëndetësorë dyshojnë se sëmundja mund të jetë tifoja ose kolera.
Koreja e Veriut shpalli gjendjen e jashtëzakonshme në maj pasi tha se miliona njerëz po përjetonin “ethe”, që besohej të ishin raste të patestuara Covid-19. Numri zyrtar i vdekjeve të lidhura me Covid është 73, thotë qeveria, por Organizata Botërore e Shëndetësisë dhe të tjerët kanë thënë se druhen se situata është shumë më e keqe.
Koreja e Veriut raportoi 26,010 njerëz më shumë me simptoma të etheve të enjten, ndërsa numri total i pacientëve me ethe në të gjithë vendin që nga fundi i prillit është afro 4.56 milionë. Koreja e Veriut ka një sistem të tmerrshëm të kujdesit shëndetësor dhe ka refuzuar ofertat ndërkombëtare të vaksinave për popullsinë e saj.
Burimi: BBC
