TIRANË– Një zjarr i madh ka shpërthyer në katin e nëndheshëm në garazhin e një pallati në rrugën “Aleksandri i Madh” në Astir, në orët e para të mëngjesit.
Shumë zjarrfikëse kanë mbërritur në vendin e ngjarjes dhe kanë nxjerrë banorët nga katet e sipërme, të cilat janë mbuluar nga tymi. Policia bën me dije se për pasojë 8 banorë janë dëmtuar lehtë dhe kanë shkuar për mjekim në spital. Konkretisht shtetasit A. Xh., 28 vjeçe, F. J., 23 vjeçe, D. J., 27 vjeçe, I. Xh., 31 vjeçe, E. Xh., 27 vjeç, E. K., 35 vjeçe, M. B., 48 vjeçe dhe N. B., 50 vjeç, të cilët pasi kanë marrë ndihmën e parë mjekësore, janë larguar.
Mësohet se 4 automjete në garazh janë djegur. Zjarrfikësit kanë vënë nën kontroll flakët. Nuk dihet nëse zjarri ka qenë i qëllimshëm, apo ka pasur ndonjë problem teknik. Grupi hetimor po punon për sqarimin e rrethanave të ngjarjes.
