Afganët e ardhur një vit më parë në Shqipëri pasi talebanët morën pushtetin në këtë vend do të qëndrojnë edhe 6 muaj të tjerë në vendin tonë.
Qeveria ka marrë vendimin këtë të enjte dhe janë ngarkuar 8 ministri që të merren me procedurat e zgjatjes së qëndrimit të tyre në vendin tonë.
Verën e kaluar më shumë se 900 afganë u vendosën në Durrës dhe Shëngjin dhe qeveria shqiptare mori përgjegjësinë për akomodimin dhe sigurinë e tyre.
Sipas marrëveshjet afganët do të qëndronin në vendin tonë deri në përfundimin e procedurave për pajisjen me vizë për të udhëtuar më pas në shtetet e bashkuara të Amerikës dhe Europës perëndimore.
