Ishte i papritur mbrëmjen e sotme vendimi i kampiones së Evropës, Luiza Gega, e cila me shumë mundim ka çuar përpara këtë përvojë unike në jetën e saj dhe, me sa duket, e ka të pamundur ta vazhdojë më tutje, siç u shpreh ajo:
“Kur e shikoja këtë program nga jashtë, dukej si diçka argëtuese. Kur erdha këtu, kuptova se kërkon shumë impenjim. E kam të pamundur të jap më të mirën time. Për këtë koreografi kam bërë vetëm një ditë provë. Por nuk është maksimumi, unë dua të jap maksimumin”, – tha Luiza duke shtuar se po tërhiqet nga spektakli i kërcimit, për shkak të impenjimeve të saj në sport.https://a59d212e04592d239e7afeb459c14094.safeframe.googlesyndication.com/safeframe/1-0-38/html/container.html
“Uroj shumë që sado të kem përcjellë diçka, e di që mundem shumë më shumë se kaq sepse ndonjëherë i di aftësitë e tua dhe e di që po të përkushtohem, por ky nuk është maksimumi im sepse nuk e jap për shkak të kohës. Ju lutem të më mirëkuptoni juria, jam shumë e lumtur që isha pjesë e kësaj duke pasur një juri si Klaudia, Iliri, Ermali. Uroj që produksioni të më mirëkuptojë, zysh Enada që ka bërë një punë të mrekullueshme me mua, Kristi gjithashtu. I gjithë publiku që radhën e kaluar kam marrë komente sikur të kisha fituar një garë si kampione Europe, komente pozitive pafund. Më vjen vërtet shumë keq që e ndërpres këtë eksperiencë kaq të bukur për mua“.
Mes duartrokitjeve të publikut të keqardhur, kampionia shqiptare tha: “Ka qenë një ëndërr shumë e bukur, sinqerisht unë nuk mendoja që do ta shijoja kaq shumë dhe që do merrja kaq dashuri nga të gjithë ju, përveç asaj që unë bëj. Mos më bëni të qaj se jam natyrë që prekem dhe dua ta mbaj këtë si një eksperiencë të bukur dhe një kujtim vërtet, pse jo nga më të bukurat e jetës time”,– përfundoi Luiza.
