Kryetari i Partisë së Lirisë, Ilir Meta ka folur për vdekjen e të riut Lear Kurti më 19 tetor 2022 në komisariatin e policisë nr.3 në kryeqytet.
Meta: Qeveria dhe policia po përpiqen ta trajtojnë si një ngjarje të zakonshme. Po tentohet të fshihet e vërteta. E mbushur me patronazhistë të mbështetur politikisht nga arroganca e Edi Raës dhe ministrit të Brendshëm, policia nuk shihet më si një institucion që mbron jetën por si një kërcënim kriminal, për t’ia marrë jetën. Mbi bazën e disa fakteve, shtrohen disa pyetje. Cila është arsyeja që policia deklaroi se i riu vdiq në spital, ndërkohe që spitali konfirmoi se kishte shkuar i vdekur. Cila është arsyeja që autopsia u bë para kohe? Autopsi u bë 5 orë pas vdekjes, ndërkohë që duhej bërë 12 orë pas vdekjes.
Duke qenë se vendi i ngjarjes ishte disa metra larg spitalit të Traumës, pse nuk u dërgua në spital, por u dërgua në komisariat? A kanë pasur kamera trupi punonjësit e policisë dhe çfarë evidentojnë ato? A ka pasur komunikim të patrullës me sallën operative? Janë tronditëse dëshmitë e shokut të ngushtë dhe nënës së tij. ishte policia e Ramës ajo që shkaktoi vetëvrasjen e Ilvi Metës. ishte policia e Ramës që vrau Enea Ftoin në Korçë. Është policia e Ramës që dhunon të rinjtë në protesta. kjo situatë kriminale ka zgjidhje të menjëhershme largimin e Ramës dhe Çuçit. Të procedohet Ardi Veliu, manipulues i disa ngjarjeve të rënda. prokuroria duhet të zbardhë ngjarjen dhe Avokati i Popullit të bëjë sa më parë transparencën.
Lajmi në përditësim…
