TIRANË- Ambasadorja e SHBA në OKB, Linda Thomas-Greenfield do të vijojë vizitën zyrtare në Tiranë. Ambasadorja do të pritet nga presidenti Bajram Begaj në orën 09:15. Më pas, ambasadorja do të pritet nga kreu i qeverisë Edi Rama.
Vizita ambasadores vjen pasi Shqipëria kryesoi për një muaj Këshillin e Sigurimit në OKB. Një ditë më parë, ambasadorja vlerësoi rolin e Shqipërisë në Këshillin e Sigurimit, si edhe qëndrimet kritike që ka mbajt ndaj Rusisë.
Sakaq, vizita e saj vjen gjatë 100-vjetorit të vendosjes së marrëdhënieve diplomatike SHBA-Shqipëri, ku Ambasadorja Thomas-Greenfield do të diskutojë gjithashtu mënyrat për të forcuar partneritetin mes dy vendeve. Pas vizitës në Shqipëri, ambasadorja do të vizitojë Poloninë.
Për një muaj, 1-30 qershor Shqipëria ka mbajtur presidencën e Këshillit të Sigurimit, për t’ia lënë vendin Brazilit. Për herë të parë, 66 vjet pas anëtarësimit në OKB, Shqipëria është ulur në tryezën më të lartë për paqen, sigurinë dhe stabilitetin, mandat që nisi në janar 2022 deri në fund të 2023.
