TIRANË– Qeveria britanike ka prezantuar masat për emigrantët e jashtëligjshëm, në të cilën një fokus shumë të madh kanë pasur edhe shqiptarët. Kryeministri britanik Rishi Sunak theksoi se duhet të bëhen ndryshime në sistem, që do të thotë se duhet të refuzohen shumica dërrmuese e kërkesave për azil nga shqiptarë. Në fjalën e tij në parlament, Sunak thotë se pothuajse një e treta e azilkërkuesve janë nga Shqipëria, por shton se është një vend i sigurt dhe i begatë,
“Pothuajse një e treta e azilkërkuesve janë nga Shqipëria. Njerëzit e ardhur duhet të kthen mbrapsht. Të gjithë shqiptarët e mbetur të largohen shpejt”, u shpreh ai, raporton “The Guardian”.
Sunak shprehet se shqiptarët mund të pretendojnë se janë viktima të skllavërisë moderne vetëm nëse ka prova për këtë, jo vetëm një dyshim për këtë, për këtë arsye tha para deputetëve se “duhet të kthehen sa më shpejt në vendin e origjinës.
Ai thotë se kjo dhe ndryshime të tjera duhet të çojnë në shpalljen e pabazë të “shumicës dërrmuese” të pretendimeve nga Shqipëria. Njerëzit më pas do të kthehen shpejt. Gjithashtu, Sunak shprehet se qeveria është gjithashtu e përkushtuar që të nisë fluturimet për në Ruanda, për të dërguar azilkërkuesit atje (sipas planit të shpallur kur Boris Johnson ishte kryeministër).
