Kryetari i Lëvizjes Vetëvendosjes Albin Kurti e ka quajtur referendum fitoren e Shpejtim Bulliqit në komunën e Podujevës.
Sipas tij, referendume të tilla do të ketë edhe në të ardhmen në Kosovë. Triumfin pa balotazh në zgjedhjet e sotme, ish-kryeministri Kurti para mijëra qytetarëve që kishin dalë për të festuar në sheshin e Podujevës, e konsideroi si legjitimim për Lëvizjen Vetëvendosje.
“Kjo nuk është zgjedhje sepse nuk është vetëm zgjedhje. Kjo që ka ndodhur sonte është referendum. Jo vetëm sonte por edhe në të ardhmen në Kosovë do të ketë referendume dhe do të ketë më shumë se zgjedhje atëherë kur mbahen votimet. Do të ketë referendum se populli është i përcaktuar për Vetëvendosjen. Atë çka bëjnë qytetarët kur votojnë është se e legjitimojnë përcaktimin e tyre, ata po e legjitimojnë lëvizjen për atë çka janë përcaktuar”, tha ai.
