Vlorë- Të shtëna me armë zjarri janë regjistruar mbrëmjen e sotme në Vlorë, ndersa mësohet se viktime ka mbetur 27-vjeçari Benjamin Bozhani. Ngjarja ka ndodhur në zonën e Dukatit.
Forcat e rendit kanë shkuar drejt vendit të ngjarjes. Ende nuk ka detaje zyrtare. Mësohet se viktima ka vetëm pak dit që është kthyer ne Vlorë pasi ka jetuar në Itali.
Informacioni zyrtar:
Më datë 01.12.2020, rreth orës 21:00, në Sallën Operative Vlorë ka ardhur një telefonatë nga një qytetar se në Fushë- Dukat, Orikum një automjet ka ndaluar në rrugë dhe brenda tij ka një person të pa jetë.
Menjëherë kanë shkuar shërbimet e Policisë dhe kanë konstatuar të pajetë shtetasin B. B., rreth 27 vjeç, dyshohet ka humbur jetën nga përdorimi i armës së zjarrit.
Shërbimet e Drejtorisë Vendore të Policisë Vlorë dhe të Stacionit të Policisë Orikum kanë ngritur pika kontrolli dhe po kontrollojnë zonën për shoqërimin e personave të dyshuar si autorë të ngjarjes apo që mund të kenë dijeni për ngjarjen.
Grupi hetimor nën drejtimin e Prokurorisë po vijon punën për sqarimin e rrethanave të ngjarjes, me qëllim identifikimin dhe kapjen e autorëve.
Detajet te reja mbi ngjarjen:
B.B cuar të fejuarën në banesë në momentin e ngjarjes teksa i kanë ngritur pritë në rrugë.I ka parë atentatorët dhe është munduar të largohet duke ecur me indietro. Ka humbur kontrollin duke rënë në kanal në momentin e sulmit. Më pas janë afruar atentatorët duke goditur drejt tij disa herë dhe duke e lënë të vdekur në vend. Më pas ata janë larguar me shpejtësi nga vendi i ngjarjes.
