Policia e Kosovës njofton se ka shpallur në kërkim, një shtetas turk, i dyshuar për vrasjen e një personi të dielën në Prishtinë.
Sipas policisë, në kërkim u shpall Altin Yaldimir, për të cilin është kërkuar edhe ndihma e qytetarëve, ndërsa u publikua edhe fotoja e tij.
Ngjarja ka ndodhur mesditën e kësaj të diele dhe sipas policisë së Kosovës viktima dhe autori kanë qenë në një makinë.
Arma e krimit është gjetur 150 metër larg vendit të ngjarjes. Po punohet për zbardhjen e plotë të kësaj vrasje.
Njoftimi i policise se KosovesReferuar rastit të vrasjes që ka ndodhur sot rreth orës 12:00 ne rrugën “Bekim Fehmiu” në Prishtinë.Drejtoria Rajonale e Policisë – Prishtinë, pas identifikimit të personit të dyshuar me autorizim të Prokurorisë së shtetit, shpallë në kërkim personin e dyshuar; YILDIRIM ATILA (1967), shtetas i Turqisë.Duke i falënderuar qytetarët për bashkëpunimin e vazhdueshëm, në veçanti për këtë rast, po ju përcjellim fotografinë e pesonit të dyshuar dhe kërkojmë nga të gjithë ata që kanë informacione lidhur me vendndodhjen e personit të kërkuar ta njoftojnë policinë në numrin 192.
