TIRANË– Pamjet e mëposhtme janë xhiruar nga vendi ku 25-vjeçari Klodian Rasha u qëllua për vdekje me dy plumba nga një efektiv policie i forcave “Shqiponja”. I riu është vrarë pranë një servisi, kamerat e sigurisë të së cilit kanë filmuar gjithçka.
E gjithë ngjarja ka ndodhur pak pas mesnate. Efektivi i Policisë i mbetur vetëm me 25-vjeçarin Klodian Rasha e ka qëlluar me armën e shërbimit duke e plagosur për vdekje. Edhe pse u dërgua me urgjencë në spital, 25-vjeçari nuk u mbijetoi plagëve të marra.
Vetë Policia ka dhënë versione të ndryshme, duke pranuar se nuk kishte armë, deklaratë që e rrëzoi vetë pak më vonë. Prokuroria dhe SHÇBA po ndjekin ngjarjen për të parë nëse kemi të bëjmë me tejkalim të kompetencave të policisë apo jo.
