Protestuesit vijojnë protestën ku kërkojnë drejtësi për vrasjen e Klodian Rashës. Ndërsa disa grupe janë pozicionuar në deri në sheshin ”Skënderbej”. Ata i kanë vënë flakën pemës së Krishtlindjeve në shesh.
Si fillim protestuesit i kanë hequr zbukurimet pemës dhe më pas i kanë vënë asaj flakën.
Më parë protestuesit sulmuan Kryeministrinë, Ministrinë e Brendshme si dhe godinën e Bashkisë së Tiranës si revoltë ndaj aktit të djeshëm për vrasjen e Klodian Rashës nga një efektiv policie në mesnatë në Laprakë të Tiranës.
Kujtojmë se më parë ata i vunë flakën dhe rrëzuan pemën e Krishtlindjeve që ndodhej para Kryeministrisë.
