Autobomba në Afganistan vret 30 qytetarë në provincën Logar. Nxënësit e shkollave të mesme janë midis 30 personave të vrarë në një bombë me makinë thonë zyrtarët lokalë për BBC.
Bomba shpërtheu vonë të premten afër një bujtine ku studentët thuhet se po qëndronin në Pul-e-Alam, kryeqyteti i provincës lindore Logar. Dhjetëra njerëz u lënduan. Dëshmitarët përshkruan kulmet duke u shembur dhe viktimat ishin bllokuar nën mbeturinat.
Një numër ndërtesash u dëmtuan nga shpërthimi rreth orës 19:00 me kohën lokale duke përfshirë edhe bujtinën civile.
Rreth 90 vetë u plagosën, tha zëdhënësi i ministrisë së brendshme Tariq Arian. Ai tha se shpërthimi shkaktoi dëme të përhapura në zonë, duke përfshirë një spital dhe shtëpi banimi.
“Çatitë e shtëpive janë shembur dhe njerëzit janë bllokuar nën mbeturinat. Forcat e sigurisë po përpiqen të shpëtojnë ata të bllokuar,“- tha ai.
Ambasada Britanike në Kabul dënoi sulmin, duke thënë “kjo dhunë e pakuptimtë ndaj civilëve duhet të ndalet”.
