TIRANË- Një 80-vjeçar ka ndërruar jetë ditën e sotme si pasojë e një aksidenti që ka ndodhur pak më parë në fshatin Gjokaj, Vorë.
Policia bën me dije se personi me iniciale H.S ka humbur kontrollin e mjetit duke dalë nga rruga dhe më pas është përplasur trafikndarësen.
Si pasojë i aksidentit ka ndërruar jetën 80-vjeçari S. S.që ndodhej brenda makinës, ndërkohë që dëmtime të rënda ka marrë drejtuesi i mjetit. Ky i fundit ndodhet në spital ndërkohë që policia po merret me hetimin e ngjarjes.
NJOFTIMI I POLICISË:
Tiranë/Informacion paraprak
Në fshatin Gjokaj, Vorë, shtetasi H. S., ka humbur kontrollin e mjetit duke dalë nga rruga dhe përplasur me trafikndarësen. Për pasojë kanë marrë dëmtime drejtuesi i mjetit shtetasi H. S, i cili ndodhet në spital, nën kujdesin e mjekëve dhe pasagjeri në mjet shtetasi S. S., rreth 80 vjeç, i cili si pasojë e plagëve të marra ka ndërruar jetë. Vijon puna nga grupi hetimor për sqarimin e rrethanave të ngjarjes.
