Një aksident raportohet të ketë ndodhur në Valbonë mëngjesin e sotëm. Mjeti tip “BMW” ka humbur kontrollin dhe përplasur me trafik ndarësen.
Nga të dhënat nuk bëhet me dije për të lënduar në njerëz, ndërsa automjeti i aksidentuar po largohet nga vendngjarja.
Burime nga policia bëjnë me dije se si pasojë kanë mbetur të lënduar tre persona të moshës 19 dhe 20 vjeç, banues në Suharek, Kosovë, të cilët janë transportuar në spitalin e Tropojës dhe ndodhen jashtë rrezikut për jetën.
Paraprakisht dyshohet se shkak të jetë bërë lagështia në rrugë si pasojë e reshjeve të shiut.
Njoftimi i policisë:
Më datë 28.11.2021, në fshatin Cërrnicë, automjeti tip “BMW”, me drejtues shtetasin T. T., banues në fshatin Markaj, ka humbur kontrollin e mjetit dhe është përplasur me trafik ndarësen.
Si pasojë janë dëmtuar lehtë tre pasagjerët, shtetasit L. B., M. L., dhe F. Rr., të moshës 19 dhe 20 vjeç, banues në Suharek, Kosovë, të cilët janë transportuar në spitalin e Tropojës dhe ndodhen jashtë rrezikut për jetën.
Grupi hetimor është në vendngjarje dhe po punon për sqarimin e rrethanave dhe shkakut të aksidentit.
