Një aksident i rëndë ka ndodhur ditën e sotme në aksin nacional Berat-Skrapar, në fshatin Vërtop ditën e sotme ku është plagosur rëndë shoferja 28-vjeçare ndërsa pasagjeri nuk ka patur lëndime.
Një makinë tip Audi, me targa AA 723 LK, që drejtohej nga 28-vjeçarja e quajtur Anxhela Ibra është rrëzuar nga Ura e Vërtopit dhe ka përfunduar disa metra poshtë në zhavorrin e lumit Osum, në të cilin nuk ka pasur prurje.
Pas njoftimit të bërë nga një roje e një fabrike i cili ishte prezent kur ndodhi ngjarja, në vendngjarje kanë mbërritur forca të ushtrisë dhe policisë, të cilët kanë nxjerrë nga makina 28-vjeçaren.
Roja i fabrikës ka folur për momentin kur ndodhi aksidenti duke thënë se dëgjoi një zhurmë dhe menjëherë lajmëroi ambulancën.
”Pashë vetëm kur erdhën forcat e ushtrisë. Rrëzimin nuk e pashë, vetëm kur plasi aty. Lajmërova ambulanëcn e Policinë. E nxori ushtria dhe mjekët me forcë, derën e makinës. Me ambulancë e çuan në Berat. Vajza ishte me një djalë, nuk i shihja. Unë u tremba, erdha këtu.”- tha roja.
