Një fëmijë ka mbetur i plagosur si pasojë e një aksidenti automobilistik. Ngjarja ka ndodhur në në Gjirokastër, mesditën e sotme. Mësohet se në afërsi të urës së lumit, shoferi i automjetit ka humbur kontrollin dhe është ngjitur në trotuar.
Për pasojë, ka marrë përpara fëmijën që ndodhej në trotuar dhe po ecte.
Fëmija është dërguar në spital, ku dhe ndodhet nën kujdesin e mjekëve, jashtë rrezikut për jetën. Policia dhe grupi hetimor ndodhen në vendin e ngjarjes duke punuar për zbardhjen e plotë të aksidentit. Ndërsa drejtuesi i mjetit është shoqëruar për në komisariat.
