Dibër- Një aksident i rëndë është regjistruar mbrëmjen e sotme në Dibër, në aksin rrugor rural Kastriot-Arras.
‘News 24‘ raporton se si pasojë e daljes nga rruga të një makine ka humbur jetën një person dhe janë plagosur tre të tjerë.
Raportohet se viktima është shtetasi me inicialet M.B., rreth 34 vjeç. Të plagosurit janë transportuar në spital ku edhe po marrin mjekim, por ende nuk ka të dhëna për gjendjen e tyre.
Ndërsa policia ka shkuar në vendin e ngjarjes dhe është duke punuar për zbardhjen e plotë të shkaqeve të aksidentit.
