Një alpinist që udhëtonte në një makinë me gazetarin Alfred Lela rezulton të jetë zhdukur. Mësohet se makina ka rënë në një greminë në në Munellë, në Njësinë Administrative Gjegjan në Pukë. Gazetari Alfred Lela dhe dy alpinistë po udhëtonin në drejtim të Pukës, por mjeti ka humbur kontrollin dhe ka përfunduar në humnerë.
Lela ndodhet në gjendje shumë të mirë shëndetësore bashkë me një prej alpinistëve, kurse për tjetrin nuk dihet asgjë. Që në momentin e aksidentit nuk ka pasur asnjë gjurmë nga alpinisti në fjalë.
Dyshohet se ai ka përfunduar në greminë, e ndoshta mund të jetë plagosur rëndë, gjë që ia bën të pamundur të kërkojë ndihmë. Për momentin rruga është e bllokuar dhe autoritetet ndodhen në vendin e ngjarjes.
Gazetari dhe miku i tij do t’i nënshtrohen një kontrolli mjekësor për të parë nëse kanë pësuar dëmtime nga aksidenti, ndërsa kërkimet vijojnë për gjetjen e alpinistit tjetër.
