Mirditë- Mëhill Gega i cili aksidentoi për vdekje bashkëfshatarin e tij Mark Gjeta më 17 shkurt në fshatin Bungaj të Mirditës, ka tentuar vetëvrasjen në paraburgimin e Shënkollit.
Mësohet se Gega është dërguar për mjekim në spital. 55-vjeçari Mëhill Gega dhe i ndjeri Mark Gjeta, 68 vjeç, ishin koleg pune por së fundmi kishte pasur një konflikt mes tyre.
Ngjarja ndodhi më 17 shkurt, ku një 68-vjeçar , i identifikuar si Mark Gjeta ka humbur jetën, pasi u përplas me makinë nga bashkëfshatari i tij. Ai u përplas nga automjeti tip “Benz” që drejtohej nga bashkëfshatar i tij, shtetasi Mhill Gega, 60 vjeç. Goditja ka qenë e fortë, duke i shkaktuar vdekjen e menjëhershme 68-vjeçarit Mark Gjeta. Pas kësaj ngjarjeje, Policia shoqëroi në komisariat autorin e dyshuar të kësaj ngjarje, Mëhill Gegën.
